Masaya na ako na nandito ka. Na iniligtas mo ako. Na dumating ka sa buhay ko sa panahong akala ko ay wala nang darating pa para mahalin ako. At mamahalin ko.

Dahil sa utang-na-loob, nagpakasal si Katrina sa isang lalaking lampas-doble sa kanyang edad. Nang pumanaw ang kanyang asawa isinakatuparan niya ang huling habilin nito. Ginawa ni Katrina ang lahat kahit pa lumabas na siya ang masama at kontrabida sa lahat ng mga tao, kahit sa stepdaughter niyang si Sydney. Pinamunuan niya ang billion-peso company na naiwan ng asawa dahilan kaya lalong maraming nagalit at nangutya sa kanya. They all regarded her as the social climber, gold digger villain.
Hanggang dumating sa buhay niya si Neil, ang kanyang bagong executive assistant. Iba si Neil sa lahat ng lalaking nakilala ni Katrina. Bukod sa ubod ito ng guwapo, ang binata lang ang taong hindi siya itinuturing na kontrabida. Nang magsimulang may magbanta sa buhay niya ay palaging nasa tabi si Neil para protektahan siya. Neil slowly melted the wall she created around herself. Unti-unti, natagpuan ni Katrina ang sariling nahuhulog sa binata.
But she knew Neil was not for her. He was a prince and a knight in shining armor. Habang siya ay may papel na dapat gampanan at isang pangakong kailangang tuparin. After all, sa mga fairy tale, wala namang happy ending ang isang tulad niya.