“Hindi importante sa akin ang kayamanan. Dahil ang pagmamahal ko sa`yo at ang pagmamahal mo sa akin ang tanging kayamanan ko. And you are my treasure I want to keep, forever.”

Cyrene was nineteen and madly in love with Jarvin Dominguez. Kahit tinapat na siya ni Jarvin na nakababatang kapatid lang ang turing nito sa kanya ay hindi pa rin siya tumigil sa ‘panliligaw’ sa binata. Sinabi niyang alam na niya ang pagkakaiba ng ‘love’ sa ‘infatuation.’ Pero may ibang napupusuan si Jarvin, at nang magising sa katotohanan si Cyrene ay ipinasya niyang kalimutan na lang ang lalaki.
Muli silang nagkita makalipas ang ilang taon. Naalala muli ni Cyrene ang kanyang ‘foolishness and stupidity’ noon habang sinusuyo si Jarvin. Ipinangako niya sa sariling hindi na mauulit iyon. Na hindi na niya babalikan ang nakaraan kung kailan naging tanga siya. Pero magagawa ba niya iyon kung ngayon ay nabaliktad ang sitwasyon? Habang umiiwas si Cyrene ay heto naman si Jarvin at hahabol-habol!