“Have I ever told you how thankful I am na nakilala kita? Na nandito ka ngayon sa harap ko? Na wala akong kaagaw sa `yo? Na ako’y iyo at ikaw ay akin lang?”

Dala na rin ng balitang pagtataksil sa kanya ng nobyong si Dennis ay hindi na nag-effort si Lauren na labanan ang tuksong nagngangalang “King Sambroso.” Malakas ang sexual chemistry nila at hindi niya iyon ikinaila; sa unang gabi ng pagkakakilala nila ay isinuko ni Lauren sa binata ang kanyang malinis na pagkababae.
Pero nang humingi ng ikalawang pagkakataon si Dennis, pinagbigyan ni Lauren ang lalaki. Naisip niya na si King ay isang pantasya lamang at si Dennis ang realidad.
Hanggang sa matuklasan ni Lauren na tulad ni Dennis, si King ay manloloko rin—at ginamit lang pala siya upang makaganti kay Dennis at sa ex-girlfriend nito. At siya naman itong gaga na patuloy na nagpapadarang sa apoy. Dahil hindi niya ma-resist ang urge na magpaubaya tuwing aangkinin siya ni King…