“I never loved anybody else when I met you.”

Si Brianna ay isang babaeng raketera. Lahat ng puwedeng inegosyo ay ninenegosyo niya. Simple lang siya at may-pagkakuripot. Mag-isa lang siya sa buhay.
Nag-TNT siya sa Japan para sana mapag-aral ang bunso niyang kapatid, na nag-asawa lang at mapagamot ang kanyang ina na nagulat na lang siyang imbes na gumaling ay namatay pa. Ang perang naipon na ipinadala niya sa kanyang kuya ay inubos lang sa sugal ng asawa nitong magaling. Mula nang mamatay ang kanyang ina ay kinalimutan na niyang may pamilya siya.
Nanahimik siya nang muli silang nagtagpo ni Hideaki, ang lalaking naging kaibigan niya sa Japan. Kaibigan din pala ni Hideaki si Rocky na crush naman ni Brianna. Kaya sinamantala na niya ang pagkakataon, nagpatulong siya kay Hideaki na mapalapit kay Rocky ngunit ayaw siya nitong tulungan.
Ang dahilan: Gusto siya ni Hideaki. Isang bagay na hindi niya ma-absorb kaya binasted niya agad ito. Madali namang naka-move on ang mokong sa pambabasted niya dahil nagkaroon agad ito ng girlfriend.
Ang nakakatawa lang, na-realize ni Brianna na may damdamin din pala siya kay Hideaki at nabigla lang noong nagtapat ito. Ngayon, nganga siya!