Limang taon na ang lumipas mula nang magtapos ng high school si Alta May Valencia sa siyudad ng Tuguegarao. Limang taon na rin ang lumipas mula nang magtanan sila ni Malakas Braganza—pagtatanan na natapos sa isang masamang panaginip.
At ngayon ay magkakaroon sila ng class reunion.
Kinakabahan si Alta. Siguradong magkikita sila ni Malakas, ang tanging lalaking nakapagpabilis ng tibok ng kanyang puso.
Pero kaya ba niyang salubungin ang galit sa mga mata ni Malakas? Alam niya, nasaktan niya nang husto ang damdamin nito…