I love it when you stare at me. Its not because you say Im beautiful. But its because for a moment that you hold your gaze on me, you make me feel like Im the only girl in your life.

Galit si Anya sa mga palikero. Niloko kasi siya ng ex-boyfriend niya at ipinagpalit sa iba. Pero tadhana na nga yata niya ang mapalapit sa babaero dahil nang mapadpad siya sa Bistro Guwapo ay nakakilala uli si Anya ng palikero sa katauhan ni Luke Harris. Ginawa niya ang lahat para iwasan ito ngunit gumagawa rin ito ng paraan para mapalapit sa kanya.
At sa mga panahon na kasama niya ito ay nag-iba ang pagkakakilala niya rito. Natutuwa at kinikilig na siya kapag binabakuran siya nito. Naiinis siya kapag may kausap itong ibang babae at hindi siya pinapansin nito.
Nagdesisyon si Anya na kausapin si Luke nang marami nang tanong na pumapasok sa isip niya. Aaminin na sana niya kay Luke ang nararamdaman niya. Ngunit naglaho ang lahat ng lakas ng loob na inipon niya nang marinig ni Anya ang totoong dahilan kung bakit ito nakipaglapit sa kanya.