Feeling romantic si Dream nang bigyan siya ni Harry ng buko dahil alam daw nito na naiinitan siya. Mainit naman talaga kapag pakalat-kalat sa paligid ang lalaki. Sexy ang katawan nito at sexy ang ngiti—makalaglag-panty.

Nang masamid si Harry, napilitan si Dream na ipainom dito ang buko na iniinom niya. Na nakatulong para mawala ang pagkasamid nito.

Hindi nga lang niya inaasahan ang naging hirit ni Harry: “May healing property pala sa nasasamid ang sabaw ng buko na ininuman muna ng babaeng iniisip mo bago mo inumin.”

Nakaka-stir up ng emotion ang mga hirit ni Harry. Hindi pa man nagsisimulang manligaw ay nahulog na rito si Dream. Hindi pa sana siya handa na mag-move on mula sa pagkabigo sa paasa at pa-fall niyang ex. Pero dahil kay Harry, madadaig yata niya si Taylor Swift sa bilis mag-move on.

Perfect. Ganoon si Harry nang magsimula nang manligaw. Pero may nangyari para mabisto ni Dream na ito pala ay isa ring dakilang paasa at pa-fall.

Author: Dawn Igloria

Pages: 160

Binding: Paperback

Publishing Date:

Language: Tagalog

Reading level: Adult