Choy ang palayaw ni Gabriel, short for Tabachoy. Pero kahit parang butanding ito na naglakad sa lupa ay mabuting kaibigan at mabuting tao ito. Kaya nga si Lynette ay handang humawak ng tabak at maghamon ng away para lang ipagtanggol ito sa mga nanlalait dito, kabilang na roon si Zita, ang ultimate crush ng lalaki na wala na yatang napansin kay Choy kundi ang umaalun-alon na bilbil ng huli.
When her boyfriend dumped her, she decided to make it her advocacy to change Choys life for the better. Dahil doon kaya nabuo niya ang ideyang magkatuwang na i-make over nila ang kanilang mga sarili.
Mukhang may career siya bilang isang nutritionist-cum-fitness instructor dahil umubra ang binuo niyang programa na huhubog sa mga katawan nila ni Choy. Ilang buwan lang ang lumipas ay naging makulay na ang dati ay walang kalatuy-latoy na love life ng kaibigan niya.
Pero kung kailan nangyari iyon ay saka naman niya nadiskubre ang masaklap na katotohanan: Ayaw na niyang maging friend lang ito. Pero ang malaking problema niya, sumagi kaya sa isip nito ang ideyang puwedeng maging sila kung ganoong ito na ang hinahabul-habol ngayon ni Zita?