Ganoon na lang ang pagkagulat ni Ico nang sa pagbisita niya sa Isla Morante ay nalaman na may bagong personal assistant ang Uncle Teddy niya. Missy ang pangalan ng bagong assistant at maganda ito. Unang kita pa lang niya kay Missy, hindi na maganda ang vibe niya rito. Malakas ang kutob niyang naroon ito sa isla para huthutan ng pera ang tiyuhin niyang hindi madala-dala at lagi na lang naloloko ng mga nakukuhang assistant.

Malamang na ikamatay na ni Uncle Teddy kapag nasaktan na naman ito kaya pipigilan na ni Ico ang hindi magandang balak ni Missy. Liligawan niya ito para sa kanya mabaling ang pansin. Kapag napaibig na niya si Missy, saka niya ie-expose ang masamang balak nito.

Pero hindi niya napaghandaan ang epekto ng gagawin sa sariling damdamin. Akala niya ay immune siya sa charms ni Missy.

Hindi pala.