“I can’t think of a better way of dying than giving up my last breath to keep you alive.”

Nagmula si Denim sa angkan na kalaban ng mga Bloodkeeper. Alam niyang siya lang ang makakapagligtas kina Lilac at Tyrus na dinukot ng Nobleblood na itinuturing niyang pamilya. Kaya kahit alam ni Denim na mapapahamak siya, ginawa pa rin niya ang tama.
Nakipagtulungan siya kay Ethan, ang minamahal niyang Bloodkeeper na kakambal ni Tyrus. Tinulungan niya ito mula sa pagliligtas kina Tyrus at Lilac hanggang sa pagbibigay ng impormasyon para mahanap ang “susi” na pipigil sa kasamaan ng kalabang Nobleblood. Naging malaki ang kabayaran ng ginawa ni Denim pero tinanggap niya iyon.
In the name of love, of course.
Hindi in-expect ni Denim na mai-in love sa kanya si Ethan habang magkasama sila sa mga mapanganib na misyong pinagdaanan nila. Pero kung kailan naman pareho na sila ng feelings ay saka siya nag-alinlangan. Masyadong mabigat ang guilt na nararamdaman niya para maging masaya.
Tama namang matakot siya dahil hindi pa man din nagsisimula ang love story nila ni Ethan, binalikan na siya ng kanyang pamilya para parusahan…