“Siguro ay tanga ako. Masyado akong in love sa `yo.”
Nangangamba si Sasha na nagba-backfire sa kanya ang pinlano niyang paghihiganti kay Jairuz para mabigyan ng katarungan ang pagkamatay ng kanyang kapatid na si Jasmine.
Sa bawat araw na kasama niya ang binata ay nalalasing siya sa mga halik at yakap nito. Hindi pa niya naranasan ang ganoong pakiramdam sa mga nakarelasyon niya, at worst, tinanggap niya ang marriage proposal nito nang buong puso.
Mahal na niya si Jairuz.
Ipagtatapat na sana niya ang lahat nang aksidenteng makita niya ang e-mail ng ex-girlfriend nito at nakikipagbalikan ang babae kay Jairuz…