Hindi ko kailangang maghanap o umisip ng dahilan kung bakit mahal kita. Basta mahal kita, ganoon lang kasimple.
Hindi inaasahan ni Aria na darating ang araw na magkukrus ang mga landas nila ni Randall Clark, ang lalaking naging dahilan kung bakit maagang nawala sa kanya ang kakambal. At dahil doon, may panahon sa buhay niya na nagtanim siya ng galit sa binata.
Pero mula nang iligtas si Aria ni Randall nang mawalan siya ng malay sa dalampasigan, hindi na pinatahimik ng lalaki ang buhay niya. Sa bawat paglapit ni Randall sa kanya, animo may karapatan ito sa kanya kung makaasta. Gusto man ni Aria na itaboy si Randall ay hindi niya magawa. Dahil itanggi man niya, hindi niya kayang pasubalian ang atraksiyon niya sa lalaki.
Ngunit may hawak siyang sekreto na kapag nadiskubre ni Randall ay hindi lang siya basta masasaktan. Baka madurog din ang puso niya