Pina-realize mo sa `kin kung gaano ako naka-jackpot na natagpuan kita.
Mula nang magpakasal si Sarrah sa miyembro ng sikat na football team na si Callum Dy, alam niyang maraming babae ang gustong mapunta sa kanyang posisyon. Tila perpekto na raw kasi ang kanilang pagsasama. Hanggang sa magbago iyon nang minsang makunan si Sarrah at malaman nilang risky na ang susunod niyang pagbubuntis.
Labis na nag-alala si Callum kaya pilit nitong iniwasan na may mangyari pa uli sa kanila. Ang sabi sa kanya ni Callum, sapat na raw siya para sa asawa.
Pero hindi para kay Sarrah, lalo na nang palihim siyang kausapin ng mama ni Callum at sabihing tanging ang pagbibigay na lamang niya ng apo ang makakapag-ayos sa sigalot sa pagitan ni Callum at ng papa nito.
Dahil doon ay ginawa nang misyon ni Sarrah ang pagkumbinsi kay Callum na magkaanak sila. Kahit na nga humantong sa paghihiwalay ang tila perpekto nilang pagsasama.