Funny how I think nobody deserves you but me.

Dahil sa halos siyam na taon na nilang relasyon, labis na ang pagtitiwala ni Jelay sa kasintahang si Peter. Kahit pa nga ba naging kasinlaki na ng refrigerator ang kanyang katawan, naniniwala pa rin si Jelay na mahal siya ni Peter.
Ngunit nagkaroon ng lamat ang pagtitiwalang iyon at tinubuan ng insekyuridad sa katawan si Jelay nang hindi sinasadyang makita niya si Peter na may kasamang sexy at matangkad na babae. Inilihim iyon ni Peter kaya napilitan siyang sundan-sundan ang kasintahan. At sa pagsunod-sunod ni Jelay, lalo lang nadagdagan ang kanyang insekyuridad nang magpatuloy ang pakikipagkita ng nobyo sa babaeng itinuring na ni Jelay na karibal.
Sa udyok na rin ng isang kaibigan, napilitan si Jelay na baguhin ang kanyang lifestyle at maglunsad ng Operation: Diet. Ngunit diet nga ba ang solusyon para mabalik ang confidence niya at ang tiwala kay Peter na nangakong siya lamang ang babaeng pakamamahalin?