“Crush lang sana kita. Eh, ngumiti ka. `Yan tuloy, mahal na kita.”

Nagulat si Prism nang makitang nakatali sa daliri ng girlfriend niyang si Georgia ang pulang laso ni Noctis Velaroso—ang matandang espiritu ng Luna Ville na muling nabuhay. Hindi iyon maaaring mangyari dahil nakatali rin ang pulang laso niya kay Georgia!
“Georgia must choose between you and me, Prism. The other one who won’t be chosen must be killed by her. That’s the only way to untie the other cord which is also connected to her,” sabi ni Noctis.
Tinapunan ni Prism ng masamang tingin si Noctis. “Sa tingin mo papayag akong pumatay si Georgia para sa `kin?”
“You don’t understand, Prism. No one else can hurt me except for that child. If she doesn’t kill me before the next full moon, your heart will get broken literally. You’ll die, and my life thread will become permanent in this lifetime.”
Alam ni Prism na mamamatay siya kapag hindi nawala si Noctis Velaroso. Pero hindi niya kayang utusan si Georgia na pumatay para sa kanya. Ngayon, paano niya poprotektahan ang nobya kung siya pala ang nangangailangan ng tulong nito?