“Puwede ko namang sabihing
‘I love you,’ pero words are bland. I will just show it to you.”

May gusto si Whitney sa best friend niyang si Obeng kahit batid niyang bading ito. In fact, may gusto si Obeng sa isa pa nilang kaibigan at longtime crush nito—si Oman. Pero sa kabila niyon ay vocal pa rin si Obeng sa pagsasabing gusto nitong makahanap ng babaeng makakasama sa buhay.
Bigla, may naisip na idea si Whitney. Magpapapansin siya kay Obeng. Pero bago iyon ay kailangan niyang mag-transform into an attractive woman para gumanda sa paningin nito.
Humingi siya ng tulong kay Oman dahil sa dalawang dahilan:
Una, kailangan niya ang insights nito bilang lalaki.
Pangalawa, gusto niyang bantayan ito dahil natatakot siyang ligawan nito si Obeng—lalo’t naging “textmates” ang dalawa noon nang magpanggap na babae si Obeng sa pangalang “Honey.”
But as Oman was helping Whitney, they fell in love. Sadyang malakas ang karisma ng lalaki kaya nalipat dito ang feelings niya para kay Obeng.
It was a bizarre love triangle and someone would be hurt in the end. And she didn’t want it to be her best friend, so she pushed Oman away…