Handa akong gawin ang lahat hanggang sa maramdaman mo diyan sa manhid mong puso na ang lahat ng ginagawa ko mula noon hanggang sa sandaling ito ay dahil sa pagmamahal ko sa `yo.

Si Nathan ang tagapagtanggol ni Maria Teresita Concha, o mas kilala sa palayaw na Chiching, sa pangangalakal ng basura noong mga bata pa sila. Ramdam ni Chiching na may gusto si Nathan sa kanya hanggang sa lumaki sila, subalit hindi naman nagtatapat ang lalaki. Hanggang sa bigla na lang itong nawala, tila napagod na sa pagpaparamdam sa kanya.
Nang magtrabaho si Chiching sa Addis Springs Resort, doon niya natuklasan na isa pala si Nathan sa kanyang mga bagong amo. Kung kailan tinanggap ni Chiching sa sarili na nangulila siya kay Nathan dahil mahal niya ito, saka niya nalaman na may nobya na itoat siya naman ay may nobyo na rin.
Pero para saan ang masidhing halik na bigla na lang nilang pinagsaluhan sa unang paghaharap pa lamang nila sa tila paraisong lugar na iyon?