Kasal nga kami pero hanggang papel lang. Hawak ko nga ang apelyido niya pero hindi ang puso niya. Malapit nga lang siya sa akin pero hindi ko siya kayang abutin. May mga mata nga siya pero kahit kailan ay hindi niya makikita ang pagmamahal ko sa kanya.

Si Hailey Carelle Elle Villegas na yata ang pinaka-martyr na babae sa balat ng lupa. Ipinipilit pa rin niya ang sarili sa lalaking alam niyang hindi siya kailanman magugustuhan. Akala niya komplikado na ang magkagusto sa isang lalaking ayaw sa kanya pero may mas komplikado pa pala sa sitwasyon na iyon nang magising siya isang araw sa isang katotohanan na ikakasal na pala siya.
Kanino nga ba siya ikakasal?
Kay King Lancer dela Vega, ang lalaking kailanman ay hindi kayang ibigay ang puso sa kanya.
Ano ang mangyayari kung habang tumatagal na kasal sila ay lalong gumugulo ang sitwasyon pero kasabay niyon ang lalong paglalim ng nararamdaman ni Elle kay King? Hanggang saan ba ang kayang ipaglaban ng pagmamahal? O susuko na lang siya sa huli?