"Will you make me the happiest man alive by marrying me...again? But this time, it's for real."

Dalawat kalahating taon na ang nakalipas nang pakasalan ni Charlie si Zack. Malapit na rin ang hangganan ng kontrata na pinirmahan nilang mag-asawa at ilang buwan na lang ay maghahain na sila ng diborsyo para wakasan ang pagpapanggap nila bilang mag-asawa.

Natutunang mahalin ni Charlie si Zack. Ang akala niya ay pareho sila ng nararamdaman, ngunit pagkatapos ng isang gabi na muntik nang makuha ni Zack ang pagkainosente ni Charlie, sa hindi maipaliwanag na dahilan ay lumayo ito sa kanya. Nababalitaan na lang niya sa mga magazine na palaging magkasama si Zack at ang kanyang ate na si Marielle sa mga okasyon. Ikinalungkot pang lalo ni Charlie na magkasamang nagtatrabaho sa kompanya ang dalawa. Nababalita rin na nagkakamabutihang muli ang kanyang asawa at kapatid.

Sa tulong ni Andrew, ang matalik na kaibigan ni Zack, pinlano nilang pagselosin ang asawa para maibalik ito sa kanya.

Magtagumpay kaya ang plano ni Charlie na maibalik ang asawa at hindi na humantong sa planong paghihiwalay? Kung magtagumpay naman si Charlie, paano naman niya haharapin ang pamilya kapag nalaman ng mga ito ang panlilinlang nila ni Zack? Paano kung tuluyan na silang paghiwalayin?