Maybe youre not my first love but I know you will be my last,

Tila tadhana na ang gumagawa ng paraan para muling magkalapit sina Trisha at Duke. Ngayon ay magsasama sila sa isang short romantic stage play kung saan silang dalawa ang lead characters. Hindi na naman magawang umatras ng dalaga nang malamang si Duke ang makakapareha dahil nakapagbitaw na siya ng pangako sa adviser ng drama club.
Sa isang buwang pagsasama nila sa rehearsal ay bumalik sa alaala ni Trisha ang mga pinagsamahan nila ni Duke mahigit apat na taon na ang nakalipas. Hindi mapigilan ng dalaga ang muling makaramdam ng pagkamuhi at matinding lungkot tuwing naaalala na iniwan siya ng binata noong panahong ipinagbubuntis niya ang kanilang anak dahil sa kadahilanang ayaw nito sa mabigat na responsibilidad. Labis siyang na-depress kaya namatay ang kanilang anak matapos niyang ipanganak ang sanggol.
Sa pagpapatuloy ng rehearsal nila ay napapansin ni Trisha na tila lumalambot na ang loob niya kay Duke at bumabalik narin ang pagmamahal niya para dito, bagay na pinipigilan niyang mangyari dahil nangako siya sa kanyang Dear Baby na hindi na uli magpapakatanga sa pag-ibig.