Angelica, Ang Multo ng Balete Drive  

Kuwento ni Segundo Matias, Jr. 

Guhit ni Jomike Tejido

Bawal magpakita sa tao. Bawal makipag-usap sa tao. Bawal manakot ng tao.

Iyan ang mga batas ng White Lady na siyang pinuno ng mga multo sa Balete Drive. Kapag lumabag sa mga batas na ito ang sino mang multo gaya ni Angelica ay makukulong sa loob ng kuwadrong itim.

Pero ang batang si Angelica...'di naiwasan ang magpakita sa mabait ding bata na si Coby. Hindi ito natakot kay Angelica kahit isa siyang multo. Sa katunayan pa nga, naging matalik silang magkaibigan. Pero papaano kung isang araw ay malaman ng White Lady na nagpapakita si Angelica kay Coby? Makukulong ba siya sa kuwadrong itim?

Matutulungan kaya si Angelica ni Coby para hindi siya tuluyang maparusahan? Pero paano? Napakahigpit na pinuno ni White Lady?